A Estrada Sede da Feira do Coñecemento
Desde o servizo de Desenvolvemento Local da Fundación Cultural da Estrada informamos que o próximo mes de xullo a Cámara de Comercio de Vilagarcía organizará na Estrada a Feira do Coñecemento en colaboración co Concello dá Estrada, a Fundación Cultural, a Asociación de Empresario ACE e a Fundación de Exposicións e Congresos.
Que é a Feira do Coñecemento?
O Programa Innovación e Transferencia do Coñecemento, “Feira do Coñecemento” comeza a súa execución no ano 2010 e está cofinanciado polo Fondo Social Europeo (en diante FSE), o Ministerio de Ciencia e Innovación, eventualmente o Ministerio de Educación, o Consello Superior de Cámaras e a Cámara de Vilagarcía de Arousa.
O seu obxectivo fundamental é favorecer a transmisión de coñecemento entre as empresas e os provedores do mesmo (universidades, centros de investigación, Centros de Formación Profesional, etc.) co fin de xerar aplicacións e utilidades concretas que favorezan a competitividade do sector privado, en particular, as pequenas e medianas empresas.
Que pretende?
- Axudar ás pemes a desenvolver proxectos de innovación estratéxica
- Orientar o seu contido a obter resultados de negocio
- Facilitar a relación directa entre as empresas e os centros de coñecemento para obter o máximo beneficio entre ambos.
Cando?
O desenvolvemento do programa realizarase a través de 3 xornadas GRATUÍTAS que terán lugar os días 4, 11 e 18 de xullo.
Onde?
As xornadas terán lugar no Museo do Moble e da Madeira da Estrada (MOME), sito na Avenida Benito Vigo, 92 Baixo.
Viveiro de empresas
Ábrese o plazo de inclusión no Viveiro de empresas ubicado na Fundación de Exposiciones e Congresos da Estrada.
Páxina 74 de 90